PROFESORADO

Marinus foi timbaleiro da Royal Concertgebouw Orchestra de Ámsterdam e estará impartindo clases de timbais na modalidade Merza Avanzado. Tamén dará unha clase grupal de quecemento para os alumnos e alumnas do Merza Percusión de grao elemental e profesional.

Estudou no CMUS Vigo e logo estudos superiores no RCSM de Madrid. Contacta coa compañía Toompak combinando a percusión con outras disciplinas artísticas como comedia xestual, clown, danza e percusión corporal. Nos últimos anos fai parte de compañías como Töthem, Fura dels Baus, Yllana…

Percusionista, compositor e creador sonoro especializado en música clásica, contemporánea e músicas do mundo. Investigador da música tradicional galega. Formouse na ESMUC e no Koninklijk Conservatorium da Haia (Holanda). Comparteu escenario con Michael Nyman, Ainhoa Arteta, Carlos Núñez…

Cursou o Grao Profesional de percusión no CMUS Santiago e posteriormente os Estudos Superiores de Jazz na ESML Lisboa. A súa experiencia na capital na portuguesa amosoulle novos camiños artísticos máis aló das fronteiras do jazz. Compaxina diferentes proxectos musicais coa docencia.

Licenciada pola ESMUC, iniciouse na percusión tradicional galega cuia formación fixo en paralelo aos estudos de clásica e contemporánea. Combina a ‘percu’ tradicional –Xosé Lois Romero e Aliboria– con orquestas sinfónicas e o labor pedagóxico. Forma parte de Apostoflant trio.

Graduado en Percusión clásica. Formouse na Banda de Salceda, CMUS Santiago e CMUS Coruña. Colabora coa Filarmonía de Galicia, Orquestra Sinfónica de Galicia, de Bilbao e Banda da Coruña; e en proxectos como Nova Galega de Danza ou Abraham Cupeiro. Compaxina docencia con máis proxectos.

Percusionista clásica e tradicional licenciada pola ESM de Lisboa. De volta en Galicia estuda no CSM de Vigo e interésase pola música electrónica formando MEL con Lucas de Centi. Colabora en proxectos como o grupo de pop electrónico NÉBOA, o dúo SACHOS, a Orquestra Clásica de Vigo e máis!

Percusionista especializado en música contemporánea. Profesor de marimba e repertorio solista no COS de les Illes Balears e no COS de Castilla y León. Galardoado en concursos nacionais e internacionais. Tocou no Palau de la Música, Muziekgebouw Amsterdam e máis! [Merza Avanzado]

Percusión Solista e Axuda de Timbal da Bilbao Orkestra Sinfonikoa, formouse no CPM Alicante, CSM País Vasco e na ESMUC. Colaborou coa Orquesta Sinfónica de Euskadi, de Barcelona, de Castela e León, Filarmonía de Galicia… Membro de Bilbao Sinfonietta, Aiko Taldea e o duo Perkusbika.

Solista internacional gañadora de varios premios internacionais, entre eles o de “Solista Intrumental Revelación” na 24ª Victories de la Musique Classique. Tocou na Philharmonie de París, Ópera de París, Mozarteum de Salzburgo, Galería Nacional de Londres… [Merza Avanzado]

Músico e actor, inicia a súa formación na Artística de Merza, pasando polo CPM Lalín e o CMUS Vigo. Realiza cursos de dramatización, interpretación e teatro e colabora con agrupacións profesionais como a Real Filarmonía de Galicia. Pertence, entre outros, a Píscore e Trío Detrés.

Percusionista solista – Asistente de timbal da Orquestra do Gran Teatre del Liceu dende 2018. Anteriormente foi percusionista da Antwerp Symphony Orchestra (Bélxica). Ten tocado baixo a dirección de maestros como Gustavo Dudamel e Josep Pons, entre outros.